San eagrán is deireanaí seo de phodchraoladh oifigiúil CLG i gcomhar leis An Spota Dubh ó Raidió na Life, labhraíonn Cárthach agus Cian le lánchúlaí agus réalta óg na Gaillimhe agus Oileáin Árann, Seán Ó Maoilchiaráin.

Insíonn Seán dúinn faoin mbealach a bhfuil sé ag caitheamh a chuid ama faoi láthair agus an bealach a bhfuil muintir Oileáin Árann ag déileáil leis an ngéarchéim atá buailte linn le roinnt seachtainí anuas. Labhraíonn sé, freisin, faoi tréimhse atá caite aige le peileadóirí na Gaillimhe.

Éist leis an bpodchraoladh anseo:

Is féidir éisteacht le tuilleadh podchraoltaí ón Spota Dubh ar soundcloud nó is féidir iad a leanacht ar na meáin shóisialta. 

An Teastas Sóisearach / Ardteistiméireacht

Éist leis an bpodchraoladh thuas agus freagair na ceisteanna seo a leanas:

1.    Conas a mhothaíonn Seán faoi gan a bheith ag traenáil?

2.    Cén fáth a bhfuil an briseadh go deas?

3.    Céard iad na rudaí is féidir le daoine a dhéanamh faoi láthair leis an am breise atá acu, dar le Seán?

4.    Cad tá á dhéanamh ag muintir Árann?

5.    Cén rud nach bhfuil dúnta?

6.    Cén saghas bliana a bhí ag Seán go dtí seo?

7.    Cén sórt aithne a bhí ag Seán ar na himreoirí óga eile?

8.    Cén caitheamh aimsire eile atá ag Seán?

Gluais / Glossary

eagrán is deireanaí – latest edition*    podchraoladh* – podcast    lanchúlaí – full back    réalta óg – young star    géarchéim – crisis    tréimhse – period     tuilleadh – more    leanacht – follow    meáin shóisialta – social media    mothaíonn – feel    briseadh – break    muintir Árann – the people of Árainn