Tugadh dea-scéal do 37 club an tseachtain nuair a fógraíodh go raibh 37 bonn le bronnadh ar chlubanna fud fad na tíre mar aitheantas ar a gcuid oibre ag cur chun na Gaeilge ina gcuid clubanna. 189 club ar fad a ghlac páirt san Fhondúireacht i mbliana.

26 club ar fad a ghnóthaigh an bonn cré-umha, 6 club a ghnóthaigh an bonn airgid agus cúig cinn ar fad a ghnóthaigh an bonn óir – Cumann Caide na Gaeltachta ó Chiarraí, CLG Thuar Mhic Éadaigh ó Mhaigh Eo agus Cumann Peil na mBan, Maigh Cuilinn, CLG na Ceathrún Rua agus CLG Chárna Caiseal ó Chonamara. Bronnfar na boinn ar na clubanna ag ócáid i bPáirc an Chrócaigh le linn 2022.

Scéim í Fondúireacht Sheosaimh Mhic Dhonncha de chuid Chumann Lúthchleas Gael agus Ghlór na nGael a thugann aitheantas do chlubanna a bhíonn gníomhach agus iad ag cur chun cinn na Gaeilge ina gcuid clubanna.

Dúirt Cathaoirleach Choiste Náisiúnta Gaeilge Chumann Lúthchleas Gael, Gráinne McElwain:

‘Ba mhaith liom comhghairdeas a dhéanamh leis na clubanna sin ar éirigh leo boinn de chuid Fhondúireacht Sheosaimh Mhic Dhonncha a bhaint amach i mbliana. Ba mhaith liom tréaslú ach go háirithe le CLG Thuar Mhic Éadaigh, Cumann Peil na mBan, Maigh Cuilinn, CLG na Ceathrún Rua, CLG Chárna Caiseal agus le Cumann Caide na Gaeltachta, ar éirigh leo an bonn óir a bhaint amach.

‘Aidhm an-tábhachtach de chuid Chumann Lúthchleas Gael é cur chun cinn na Gaeilge agus ábhar mór bróid dúinn go bhfuil an scéim seo i measc na scéimeanna is mó Gaeilge a bhfuil ann.

‘Ba mhaith liom mo mhíle buíochas a ghabháil, freisin, le Glór na nGael, páirtnéirí an Chumainn sa scéim seo. Bíonn foireann dhíograiseach Ghlór ag obair ar an scéim seo go laethúil agus tá forbairt mhór mhillteach déanta acu uirthi ó cuireadh ar bun í roinnt blianta ó shin.’

Dúirt Caitríona Nic Seoin, Bainisteoir Forbartha le Glór na nGael:

‘Cuireann rannpháirteachas gníomhach na gcumann san fhondúireacht seo go mór le feiceálacht agus le húsáid na Gaeilge i gclubanna CLG fud fad na tíre. Is cúis áthais dúinn go bhfuil éileamh láidir ar an scéim i gcónaí agus go bhfuil muid ag feiceáil torthaí na hoibre ar an talamh sna pobail.’

Tá tuilleadh eolais maidir le Fondúireacht Sheosaimh Mhic Dhonncha ar fáil ANSEO

Boinn Óir:

CLG Thuar Mhic Éadaigh, Maigh Eo

Cumann Peil na mBan Maigh Cuilinn, Gaillimh

CLG na Cheathrún Rua, Gaillimh

CLG Chárna Caiseal, Gaillimh

Cumann Caide na Gaeltachta, Ciarraí

Boinn Airgid:

Bearna – Na Forbacha (Iománaíocht), Gaillimh

CLG An Ríocht, An Dún

CLG Naomh Peadar, Ard Mhacha

CLG Bhaile Buadáin - Naomh Éanna, Áth Cliath

CLG Naomh Colmcille, Tír Eoghain

CLG An Clochán Liath, Dún na nGall

Boinn Chré-umha:

CLG Chabán tSíle, Áth Cliath

CLG Clanna Gael Fontenoy, Áth Cliath

CLG Fhánaithe Baile Buadáin, Áth Cliath

CLG Na Cloigthithe, Áth Cliath

CLG Naomh Barróg, Áth Cliath

CLG Naomh Pádraig, Áth Cliath

CLG Shairséalaigh Leamhcáin, Áth Cliath

CLG Chill Mhichíl, An Clár

CLG An Ghleanna, An Dún

CLG Ard Ghlais, An Dún

CLG Chlann na Banna, An Dún

CLG Bhaile Mhic an Aba, Ard Mhacha

CLG Na Piarsaigh, Ard Mhacha

CLG Uí Raithilligh, Ard Mhacha

CLG Achadh Mórdha, Cill Dara

CLG Bhaile Éilís, Cill Dara

CLG Mhainistir Eimhín, Cill Dara

CLG Nás na Ríogh, Cill Dara

CLG Na Piarsaigh, Doire

CLG Naomh Trea, Doire

CLG Bhaile na nGallóglach, Dún na nGall

CLG Bhealach na Leice, Fear Manach

CLG Naomh Iósaf Eadarnaigh, Fear Manach

CLG Mungairit Naomh Póil, Luimneagh

Peil na mBan – Pailís Ghréine, Luimneach

CLG Ghaeil Mhaigh Eo, Maigh Eo