Fáilte chuig gaa.ie - suíomh oifigiúil CLG
Ryan O'Rourke ar an ionsaí do Liatroim
Ryan O'Rourke ar an ionsaí do Liatroim

Ár gCluichí, Ár Laochra #16 – Ryan O’Rourke


Is tosaí an-tábhachtach é Ryan O’Rourke do pheileadóirí Liatroma agus bhí sé lárnach sa dul chun cinn a rinne a chontae anuraidh nuair a d’éirigh leo Roinn 3 den tSraith Náisiúnta Peile a bhaint amach. D’aimsigh sé go leor scóranna tábhachtacha, idir chúil agus chúilíní, le linn na sraithe sin agus níl aon amhras ach go raibh tionchar mór ag na scóranna sin ar an mbliain iontach a bhí acu.

In ainneoin nach bhfuil Ryan ach 22 bliain d’aois, seo é an cúigiú bliain i ndiaidh a chéile dó a bheith ag imirt lena chontae. Bhí sé mar chuid de fhoireann mionúir Liatroma a bhuaigh Sraith Mionúir Chonnacht sa bhliain 2014. Is cinnte go bhfuil laethanta móra maithe amach roimhe an réalta óg seo i ndathanna Liatroma.

‘’Ba mhaith liom a bheith i mo mhúinteoir bunscoile agus tá an Ghaeilge an-tábhachtach ar scoil anois. Úsáidtear ár dteanga i gCumann lúthchleas Gael agus is iontach an rud é sin mar tá sé tábhachtach an teanga a choinneáil beo inár gcluichí dúchasacha.’’

(Ryan O’Rourke, Bealtaine 2020)

Is mar seo a leanas a d’fhreagair Ryan ár gcuid ceisteanna!

Ainm: Rian Ó Ruairc

Aois: 22

Slí bheatha: Múinteoir bunscoile

Club: Fiodhnach Naomh Caillin

Contae: Liatroim

Club nó contae? Club

An scannán is fearr leat? Wolf of Wall Street

An banna ceoil is fearr leat? Oasis

An áit is fearr leat? Liatroim

An bia is fearr leat? Stéig

An clár teilifíse is fearr leat? Peaky Blinders

An chéad chuimhne CLG atá agat: Ag imirt peile timpeall mo thí agus sa ghairdín.

An t-imreoir ab fhearr leat nuair a bhí tú óg: Peter Canavan

An chéad uair ar imir tú le do chontae: Faoi 14

An t-imreoir is fearr a d’imir leat: Paddy Maguire

An t-imreoir is fearr a d’imir i do aghaidh: Jamie Clarke

An cluiche is fearr a d’imir tú riamh: Mo chéad chluiche le Liatroim in aghaidh Chill Mhantáin

Buaicphointe do shaoil imeartha le do chontae: Ardú céime an bhliain seo caite le mo chontae

Buaicphointe do shaoil imeartha le do chlub go dtí seo: Nuair a bhuamar an cluiche ceannais sa chraobhchomórtas idirmheánach 2018

An duine is mó a raibh tionchar aige/aici ar do shaol imeartha go dtí seo: M'athair

Aon chomhairle agat do imreoirí óga? Cleachtadh, cleachtadh, cleachtadh agus tú i d’aonar.

An mbeadh suim agat a bheith i do chóitseálaí/bhainisteoir amach anseo? Cinnte, bheadh súil agam.

Aon chaitheamh aimsire eile? Ag féachaint ar Netflix agus aon spórt ar TG4 no Eir Sport

Gluais / Glossary

tosaí / forward an-tábhachtach – very important lárnach – central níl aon amhras – there is no doubt cluichí dúchasacha – native games ardú céime – promotion chraobhchomórtas idirmheánach – intermediate championship cleachtadh – practice i d’aonar – alone

Official Sponsors of the GAA Football All-Ireland Championship

Official Sponsors of the GAA Hurling All-Ireland Championship

Live Competitions