Scór na nÓg 2026 ag gabháil i ndéine
Ceol Uirlise CLG Aodha Ruaidh, Dún na nGall, ag Babhtaí Ceannais Scór na nÓg 2025
Le Jamie Ó Tuama
Tá Scór na nÓg ar ais agus faoi lánseol!
Tá clubanna agus baill de chuid Chumann Lúthchleas Gael ó gach cearn den tír ag réiteach do chomórtais na bliana seo. Tá siad ag cleachtadh a gcuid damhsaí, ag seinm ceoil agus ag réiteach a gcuid amhrán, aithriseoireachta agus a gcuid nuachleasanna.
Beidh go leor laethanta spraoi agus siamsaíochta romhainn amach uaidh seo go ceann cúpla mí. Chomh maith le siamsaíocht a chur ar fáil dá gcairde, dá dteaghlaigh agus dá gcomharsana, beidh súil ag go leor acu áit a bhaint amach i gcluiche ceannais an chontae, an chúige agus i mBabhtaí Ceannais na hÉireann agus a gcuid tallainne a thaispeáint ar stáitsí níos mó.
Dúirt Póilín Mhig Aoidh, Cathaoirleach Choiste Náisiúnta Scór;
‘Tá Scór na nÓg buailte linn agus tá lucht Scór ó cheann ceann na tíre ag réiteach le gabháil chun stáitse. Guíonn muid gach rath ar na mílte duine óg a bheidh ag glacadh páirte i mbabhtaí éagsúla de chuid Scór na nÓg uaidh seo go ceann roinnt míonna.
‘Tá muid ag dréim go mór le Babhtaí Ceannais na hÉireann a bheith ar ais in Amharclann an TF i gCaisleán an Bharraigh arís agus tá muid ag súil go mór leis an turas atá romhainn idir seo agus na babhtaí ceannais.
Beidh Babhtaí Ceannais na hÉireann Scór na nÓg 2026 ar siúl ar 23 Eanáir 2027.
Seo a leanas na dátaí atá deimhnithe do Babhtaí Ceannais Contae, Cúige agus na hÉireann:
Babhtaí Ceannais na hÉireann, 23 Eanáir, 2027, Amharclann an TF, Caisleán an Bharraigh, Contae Mhaigh Eo
Dátaí Cúige
Connachta, Babhtaí Ceannais, 28 Samhain
An Mhumhain, Babhtaí Leathcheannais, 21 Samhain
An Mhumhain, Babhtaí Ceannais, 6 Nollaig
Ulaidh, Babhtaí Leathcheannais, 15 Samhain
Ulaidh, Babhtaí Leathcheannais, 28 Samhain
Laighean, Babhtaí Ceannais, 29 Samhain
Dátaí na gContaetha
Áth Cliath, 17 Deireadh Fómhair
Aontroim, 18 Deireadh Fómhair
Port Láirge, 24 Deireadh Fómhair
Muineachán, 24 Deireadh Fómhair
Laois, 25 Deireadh Fómhair
Ceatharlach, 30 Deireadh Fómhair
An Clár, 1 Samhain
Fear Manach, 1 Samhain
Dún na nGall, 1 Samhain
Cill Chainnigh, 4 Samhain
Cill Dara, 5-6 Samhain
Tiobraid Árann, 6 Samhain
An Mhí, 6 Samhain
Uíbh Fhailí, 7 Samhain
Loch Garman, 7 Samhain
Liatroim, 7 Samhain
Luimneach, 7 Samhain
Ciarraí, 7 Samhain
An Cabhán, 7 Samhain
Ard Mhacha, 7 Samhain
An Dún, 7 Samhain
Cill Mhantáin, 7 Samhain
Lú, 8 Samhain
Sligeach, 8 Samhain
An Iarmhí, 8 Samhain
Doire, 8 Samhain
Gaillimh, 8 Samhain
Ros Comáin, 8 Samhain
An Longfort, 8 Samhain
Tír Eoghain, 11 Samhain
Corcaigh, 14 Samhain
Maigh Eo, 15 Samhain
Is comórtas de chuid Chumann Lúthchleas Gael é Scór a thugann dathanna agus iomaíocht na gCluichí Gaelacha chomh maith leis an spraoi agus spórt a bhaineann le sean-nósanna traidisiúnta na hÉireann le chéile.
Cuireadh tús le Scór sa bhliain 1969 le cultúr agus traidisiúin na hÉireann a chur chun cinn. Tugann Scór deis do bhaill na gclubanna teacht le chéile, spraoi a bheith acu agus ionadaíocht a dhéanamh ar a gclubanna agus ar a bpobail.
Tá ocht gcomórtas ar fad i Scór a chlúdaíonn gnéithe éagsúla de chultúr na hÉireann: Rince Foirne, Amhránaíocht Aonair, Bailéad-Ghrúpa, Aithriseoireacht / Scéalaíocht, Nuachleas, Ceol Uirlise, Rince Seit, Tráth na gCeist.
Tá dhá ghrád de Scór ann: Scór na nÓg, do dhaoine óga faoi bhun 17 bliain d'aois, agus Scór Sinsear, do dhaoine atá 17 bliain d'aois nó níos sine.
Eagraítear Scór go dátheangach - i nGaeilge agus i mBéarla - agus fáiltítear roimh iontrálacha sa dá theanga.
Is féidir coinneáil suas chun dáta maidir le gníomhaíochtaí Scór ar an leathanach Facebook oifigiúil @GAAScórOifigiúil.