An tarraingt déanta do Chomórtas Náisiúnta Peile na Gaeltachta 2026

Le Jamie Ó Tuama

Rinneadh an tarraingt do Chomórtas Náisiúnta Peile na Gaeltachta ag cruinniú cinn bhliana an Chomórtais in Óstán Maldron, Uarán Mór, Contae na Gaillimhe le gairid.

Cúig cinn de chomórtais ar fad a imreofar ag Comórtas Peile na Gaeltachta i gCill Chartha i nGaeltacht Thír Chonaill i mbliana – Comórtais Shóisear agus Shinsear na bhFear chomh maith le Comórtais Shóisear, Idirmheánach agus Shinsear na mBan.

Beidh Comórtas Peile na Gaeltachta ar siúl le linn dheireadh seachtaine na Cincíse idir 29 Bealtaine agus 1 Meitheamh, 2026. Beidh réamhbhabhtaí agus comórtais áitiúla na gcontaetha éagsúla ar siúl uaidh seo go ceann cúpla mí.

Is mar seo a leanas a bheidh leagan amach chomórtais na bliana seo:

Comórtas Sóisear na bhFear

Cluichí Ceathrú Ceannais

A An Mhí agus Gaillimh

B Na Gaeil Óga (Áth Cliath) agus An Seanphobal (Port Láirge)

C Maigh Eo agus Laochra Loch Lao (Aontroim)

D Ciarraí agus Dún na nGall

Cluichí Leathcheannais

C v B

A v D

Comórtas Sóisear na mBan

Cluichí Ceathrú Ceannais

A Dún na nGall v Na Gaeil Óga (Áth Cliath)

B Gaillimh agus An Mhí

Cluichí Leathcheannais

A agus Laochra Loch Lao

B agus Maigh Eo

Comórtas Idirmheánach na mBan

Cluichí Leathcheannais

Dún na nGall v Gaillimh

Comórtas Sinsear na mBan

Baile Chláir na Gaillimhe (Gaillimh) v Dún na nGall

Comórtas Sinsear na bhFear

Réamhbhabhta

A Dún na nGall agus Maigh Eo

Cluichí Ceathrú Ceannais

1 Corcaigh agus Ciarraí

2 An Mhí agus An Rinn

3 (A) agus Gaillimh

4 Cill Chartha (Dún na nGall)

Cluichí Leathcheannais

1 v 2

3 v 4